కోదండ రాముడే

పల్లవి :   కోదండ రాముడే కోమలీ  నువ్వు
                కోరి పూజలు చేయ కోమలీ తాను
                కదలి వచ్చాడమ్మ కలికీ మిథిలకు
                కనులెత్తి చూడవె కమలాక్షి రావె

చరణం :  నీలాల మబ్బుల్ని పోలిన వాడు
                 నిండైన చంద్రుడి నిగ్గులవాడు
                 నిష్టూరమన్నది నేర్వని వాడు
                 నిత్యపు నవ్వుల సత్యము వాడు                 

చరణం :  కరకు  తాటకినొక్క శరముతో గూల్చి
                 మాయావి మారీచు మదమునే యణచి
                 కౌశికు  యాగము వాసిగ  గాచి
                 గౌతము పత్నికి గౌరవమిచ్చి          

చరణం :  హరచాపమే త్రుంచి  అవలీలగాను
                 అరవిందనేత్రుడు అల్లుడైనాడు
                 వడిగాను రావమ్మ వైదేహి నువ్వు
                 వరమాల తేవమ్మ వరమిది నీకు            

                                        *****